لو انت من جمهور محمد رمضان انصحك تراجع نفسك قبل ما تكمل !
لو كملت ومتحمس تدخل فيلم اسد انت محتاج تركز معايا كويس جداً لو لسه مدفعتش تمن تذكرة الفيلم 
لان الشائع من كل الصفحات وكل الاعلاميين عن قوة وهيمنة الفيلم علي السينما المصريه وعن انك موعود بمشاهدة فيلم ملحمي من الطراز الرفيع المرشحه للجوائز العالميه كلام غير واقعي تماماً 
رتبتلك مراجعة الفيلم بكل شفافية ومصداقية وهقولك الي مسمعتوش من غيري !
━━━━━━━━━━━━━━━
1. الانطباع العام
الفيلم بيبدا بمشاهد حماسية لاول دقيقتين فقط عالم من المشاهد التابعة لحقبة زمنيه قديمه بس ثواني دقيقتين فقط حرفياً وهتبدا تكمل الفيلم لحد ما توصل للدقيقه 41 من الفيلم عشان تبدا تشوف احداث بعيد عن مدة 41 دقيقة بناء ممله ! 
ولكن للمصداقيه بدات الاحداث في حوالي الدقيقه 20 وانتهت في حوالي الدقيقه 21 انت متخيل ! 
وملحوظه قبل منسي الفيلم من وحي الخيال فقط ! لا يمت للواقع بصله
المهم عشان متتوهش معايا هجاوبك علي 3 اساله انت تعرفهم قبل ما تدخل الفيلم !
هل الفيلم ناجح؟
الفيلم نجح يكون اضافه للفن المصري فقط نوع ولون فن جديد مرحب بيه ولكن !
هل يستحق المشاهدة؟
بنسبة 90% الفيلم هيكون تجربه لكسر الفضول فقط والباقي للنسيان !
هل التجربة ممتعة؟
بصراحه شوفت مشاهد ممتعه كتير ولكن نسبتها 20% من الفيلم ومشهد النهايه لما الطفل الصغير رجع اسد من انه ينط من فوق الجبل كان اكثر من ممتاز ! 
━━━━━━━━━━━━━━━
2. قوة السيناريو
هل الفيلم ممل؟
الفيلم ممل بدرجة كبيره ورتم الفيلم في الاثارة كان في طلوع وهبوط بشكل غريب نسبة متعة المشاهده فيه لا تزيد عن 30% 
الحشو !
بنسبه كبيره في حشو في الفيلم ومط للاحداث واستعجال في المشاهد الممتعه !
الترابط
هنا هنتكلم عنها قدام كتير الموضوع غريب جداً في الترابط في عدم منطق كتير في الفيلم وربط الاحداث ضعيف بنسبه كبيره
━━━━━━━━━━━━━━━
3. نقاط القوة
عناصر التميز
لوكيشن تحفه جداً ملابس واضاءه وتصوير وصوت تحفه تحفه بصراحه دور علي قاسم الماستر في الفيلم ويعتبر بطل الفيلم وهقولك ليه برضو ! 
━━━━━━━━━━━━━━━
4. نقاط الضعف
بالنسبالي دور محمد رمضان واحمد داش ورزان جمال وكامل الباشا الكتابة غير مناسبة ليهم او لم يجيدو تقديم الدور الله اعلم !
مستنيين من ماجد الكدواني دور اكبر من دور ضيوف الشرف !
مفيش مساحات في الفيلم غير ليكن ومحمد رمضان ورزان والفيلم مفروض مربوط بشخصيات كتير لو مكانش كل شخص كان ظاهر في الفيلم !
المشكلات الفنية
وهنا هتكلم عن عدم المنطق في البناء رغم انه كان 41 دقيقه ازاي بين رزان ومحمد رمضان في ادوارهم علاقتهم كبيره لدرجه غير الي شوفناها اكبر من اتنين مرتبطين وطلعو متجوزين وازاي مع كل البناء ده معرفناش حاجه زي كده ! 
تاني حاجه مشهد الانفجار لما اسد رماها من جيب الحرس ومفيش غير يكن ومحمد رمضان الي متاثرين بالانفجار فقط وباقي الكاست كله بيتعامل عادي وداخل المعركه !
واي هيلا هيلا صلي علي النبي ! عليه الصلاة والسلام ولكن ده مشهد حشو شوفتو كذا مره ولا مره شوفته مهم قد ما انت تقدم مشهد يفيد الاحداث يعني بيصلو علي النبي ومشوفتش واحد فيهم في مشهد بيصلي لربنا اصلا !
━━━━━━━━━━━━━━━
5. جذب الانتباه
القدرة على جذب المشاهد
لو انت من جمهور محمد رمضان الفيلم بالنسبالك هيكون تجربة للنسيان زي فيلم الكنز بالظبط !
الحضور البصري والتشويقي
الفيلم ممتاز بصرياً ولكن زي ما قولتلك لا تعليق
━━━━━━━━━━━━━━━
6. النهاية
هل النهاية قوية؟
وده يستدعينا للفكير ان اسد مش مجرد عبد طلب التحرر شخصية اسد كانت راضيه بالعبوديه ولكن مش راضيه بالحاجز بين العبوديه والبنت الي بيحبها ولما حملت منه اتحرك عشان ينقذها ولما انقذها اتحرك عشان ينقذ ابنه
هتقولي اي دليلك هقولك انه لما عرف ان ابنه اترمي في النهر فقد الامل وكان هيرمي نفسه من الجبل برضو لولا ان الطفل الممثل الي هيكون عبقري مستقبلاً انقذه في مشهد درامي رائع
يعني اسد عبد اناني ! لا اكثر
مشهد النهايه لما رجع قوي قوي قوي شابوووه فعلاً ولو هتراجع كلامي الفيلم ده كان يطلع منه مشاهد اسطوريه تخلي الفيلم ده للتاريخ فعلاً
━━━━━━━━━━━━━━━
7. الرسائل والأفكار
الطرح الفلسفي والاجتماعي
يقال ان الفيلم يروج لفكرة الأفروسنتريك
ما هي ؟:
الأفروسنتريك (Afrocentric) هو فكر بيعتبر إن أفريقيا كانت مركز مهم للحضارة والتاريخ، وبيحاول يعرض التاريخ من منظور أفريقي بدل الأوروبي. أنصاره بيؤكدوا إن الحضارات الأفريقية كان ليها تأثير كبير تم تجاهله، وبيعتبروا إن الحضارة المصرية القديمة والأهرامات جزء من التراث الأفريقي لأن مصر داخل قارة أفريقيا 
وانها مطروحة في الفيلم حسب التحليلات الجماهيريه والله اعلم
━━━━━━━━━━━━━━━
8. حاجات مش فاهمها في الفيلم
لما العبيد راحو يقدوم في اول الفيلم واسد اخوه رجعو كانو رايحيين يقدمو علي ايه ؟
تاني حاجه الامير مكن العبيد من السلاح والذخيره ف لي في الحروب بيحاربو بالسيوف ؟
لي المخرج اظهر شخصية اسد مظهر الشخص الاناني ؟
لي دور ماجد الكدواني صغييييييييييييير كده ؟
لي دور احمد داش صغير كده ملحقناش نشوف تفاصيل للشخصيه اصلا ؟
لي كمال باشا له مساحته في الفيلم ولكن بدون حضور ؟
━━━━━━━━━━━━━━━
9. ختام
ملحوظه شايفها مهمة الجمهور المصري مش متعود علي الرتم البطئ من الاحداث ده غير في الافلام الاجنبي
تكلفة الفيلم يقال انها 5 مليون دولار !
وده بالنسبة لفيلم من نفس الفئه دي الاقل تكلفة علي الاطلاق
والله اعلم
